Fwen Dahvwnj
Fwen Dahvwnj 《達穩之歌》[gaij | 编辑源代码]
1[gaij | 编辑源代码]
Ngoenz siliengz gwnheiq, Gou ciuh neix rnlbouj baenz Cauh song cih sawfaenz Lwnh sou raen biengzdeih
Boux cungj (lumj) gou Dahvwnj Guh vunz mbouj buenz seiq Ngoenz siliengz gwnheiq Gou ciuh neix mhouj baenz
Gou dai mbouj ndacj decngq Doengasuemh bae Iawz raen Caula song cih sawfaenz Lwnh sou raen biengzdeih
2[gaij | 编辑源代码]
Dai ce boh ce beix Hoz gou ngeix geijlai Ciuq (danghnaeuz) gou baenz lwgsai Wnggai mbouj lauqciuh (beggvaqeiuh)
Bouxlawz cix gyacz dai Miz geijlai gwnheiq Dai ce boh ce beix Hoz gou ngcix geijlai
Seng gou baenz lwgmbwk Cienh baeuz loek laj fai Ciuq gou baenz lwgsai Wnggai mbouj lauqciuh
3[gaij | 编辑源代码]
Gyapsaen nienz bineix Bick hujgeiq doengzban Gou dai bae guh fangz Saet gya ranz bohmeh
Dai bacnaj cix lun Lix ciengzyinz gwnheiq Gyapsaen nienz bineix Biek hujgeiq doengzban
Nienzgeij ndaej ngeihngeih Gciz gwnz moh haucanz Gou dai bae guh fangz Saet gya ranz bohmeh
4[gaij | 编辑源代码]
Goeng yab hengz sim yak Cix gaem cag lacg hoz Bohmeh mbouj ndaej yo (aiqhuq) Dai coz sim mbouj nyienh
Gvan gou ndaq cix fouz Naeuz gou youz gvaq cab Goeng yah hengz sim yak Gix gaem cag lacg hoz
Dungx iek gwn donq haeux Ndaq gou lumj hoiqnoz Bohmeb mbouj ndaej yo Dai coz sim mbouj nyienh
5[gaij | 编辑源代码]
Ngux nyied haemh cib bet Ngeix get(caenh) liux cix dai Lwnh sou gyoengq vunzlai Gou gag dai bae gonq
Bae guh bawz mehnax Deng ndaq sim cix get
Ngux nyied haemh cib bet Ngeix get liux cix dai
Guh hong dauq gwn haeux Mbouj hawj caeux vanjngaiz Lwnh sou gyoengq vunzlai Gou gag dai bae gonq
6[gaij | 编辑源代码]
Dai ce sou doengzdoih Daekcoih meh ndaw ranz Youq hix goj sim fanz Dai bae vang cix raeh
Naih ngeix naih simfouz Nienz gou youh lij oiq Dai ce sou doengzdoih Daekcoih meh ndaw ranz
Duenh ciuh vunz laj deih Uengjfeiq ok yiengzgan Youq hix goj simfanz Dai bae vang cix raeh
7[gaij | 编辑源代码]
Biek aen mbanj gorungz Guhlawz lumz diengzcah (dieg guhcaemz) Gou dai bae cixbah Daihgya aeu vuenyungz
Riengz doengzsaemh guhmaij Haet haemh byaij vuenyungz Biek aenmbanj gorungz Guhlawz lumz diengzcah
Doengzsaemh haujlai vunz Guhlawz lumz coenz vah Gou dai bae cixbah Daihgya aeu vuenyungz
8[gaij | 编辑源代码]
Sou dwk geiz rim baq( ndoi) Gou baenaj baenz fangz Dai liux goet haucanz Ngoenzlawz vanz doengzdoih
Dieg naengh gou hix lumz Dieg ninz gou hix gvaq Sou dwk geiz rim baq Gou baenaj baenz fangz
Goeng yah hengz sim yak Gou cix biek doengzban Dai liux goet haucanz Ngoenzlawz vanz doengzdoih
9[gaij | 编辑源代码]
Ciuq gou dai ndaej dauq Gou cix cauh boiz cingz Neix gou dai bae yaem Boiz cingz sou mbouj hwnj
Gou seng daeuj lajmbwn Causim gyoengg bouxlaux Ciuq gou dai ndaej dauq Gou cix caul lviz cingz
Sou dawz fan gvaq doengh Bouxboux doengz miz sim Neix gou dai bae yaem Boiz cingz sou mbouj hwnj
10[gaij | 编辑源代码]
Sou dwk fan gaej coemh Soengq hawj gou guh cingz Rumz daengz de cix mbin Guh cingz hawj vunz yiuq
Bcixnucngx hauq linlin Ngeix daengz sim cix doengh Sou dwk fan gaej coemh Soengq hawj gou guh cingz
Dwk fan guh cingzngeih Gau ngeix youq ndaw sim Rumz daengz de cix mbin Guh cingz hawj vunz yiuq
11[gaij | 编辑源代码]
Goeng yah diemj cecij bouh Mbouj hawj youq yiengzgan Guh ciuh neix mbouj nanz Bae guh fangz laj deih
Biek bohmeh bae yaem Gigsim mbouj ndaej youq Goeng yah diemj ceij bouh Mbouj hawj youq yiengzgan
Lix gou cingh gwnheiq Raemxda lae byanbyan Guh ciuh neix mbouj nanz Bae guh fangz laj deih
12[gaij | 编辑源代码]
Gou baenz fangz dai rog Goetndok youq gyangdien Naih ngeix naih siliengz Ciengznienz goet gyauz namh
Ciuq gou miz lwgcing(lwg) Cingningz cix gip ndok Gou baenz fangt dai rog Goetndok youq gyangdien
Daengq ciuh beix ciuh boh Coj mbouj ndaej baenz sien Naih ngeix naih siliengz Ciengznienz goet gyaux namh
13[gaij | 编辑源代码]
Bae naj goeng yah caengz Dauq laeng bohmeh ndaq Liauhcienh lumj gaujvaq Lumj deng byaj bag dai
Gou mbouj miz boux ciengx Ra yienghyiengh mbouj daengz Bac naj goeng yah caẹngz Dauq laeng bohmeh ndaq
Naih (yied) ngeix naih hoz haemz Miz boux caengz boux ndaq Lanhcienh lumj gaujvaq Lumj deng byaj bag dai
14[gaij | 编辑源代码]
Dai ce boh ce beix Gou gikheiq geijlai Ciuq gou baenz lwgsai Wnggai mbouj lauqcinh
Youg mbouj miz boux ganq Lwnh doengzban hujgeiq Dai ce bob ce beix Gou gikheiq geijlai
Saet geijlai beixnuengx Gou sicngj sim mbouj hai Ciuq gou baenz lwgsai Wnggai mbouj lauqciuh
15[gaij | 编辑源代码]
Gou dai haeuj loh neix Naih ngeix sim nbouj gam Dai mingh vih bouxgvan Hawj doengzban sou yiuq (yawj)
Caemh boux mel ndeu seng Miz boux cienh boux gveiq Gou dai haeuj loh neix Naih ngeix sim mbouj gam
Aeu ciuh gou daeuj beij Dawz bae gyauq lwglan Dai mingh vih bouxgvan Hawj doengzban sou yiuq
16[gaij | 编辑源代码]
Naih ngeix naih simfouz Goet gou mbouj lumj doih Deng bak ndaq faex loih Vunz bae coih mbouj baenz
Yiuq gou lumj bouxwnq Raemxda loenqyouyou Naih ngeiz naih simfouz Goet gou mbouj lumj doih
Goet gou goet fangzsieng Mbouj ndaej riengz doengzdoih Deng ndaq faex youh loih Vunz bae coih mbouj baenz
17[gaij | 编辑源代码]
Gou baenz fangz daisoengz Sou soengq hwnj bya nim Gou ciengzseiz gigsim Gwn lwgnim guh donq
Gyoh bohmeh gou lai Dai mbouj ndaej bae soengq Gou baenz fangz daisoengz Sou soengq hwnj bya nim
It daengq sou hujgaeq Ngeih daengq sou mehnding Gou ciengzseiz gigsim Gwn lwgnim guh donq
18[gaij | 编辑源代码]
Sat coenz neix doxdaengq Lwnh doengzsaemh gyoengqsou Boux dai coz lumj gou Naengh simfouz cix niemh
Doengzdoih caux baenz cou (hawsingz) Gou mbouj miz dieg nạengh Sat coenz neix doxdaengq Lwnh doengzsaemh gyoengqsou
Gag cauh baengz dwkbonq(goemqbaengz) Dai bae gonq ce sou Boux dai coz lumj gou Naengh simfouz cix niemh