Hwnj Laeuzgvancoz

Hwnj Laeuzgvancoz《登鹳雀楼》

Bouxrauz: Dangzciuz Vangz Cihvan 唐朝 王之渙

Hot sei 《Hwnj Laeuzgvancoz》 canghsei Dangzciuz Vangz Cihvan raiz

白日依山尽，

黄河入海流。

欲穷千里目，

更上一层楼。

Ciuq hawj gauj bien gonq bien laeng fat

It

Daengngoenz roengz bya liux,

Vangzhoz riuz haij bae.

Siengj aeu muengh engq gyae,

Ndaej caiq hwnj caengz laeuz.

Ngeih

Daengngoenz doek baihsae,

Vangzhoz lae roengz haij.

Raeuz yaek yawj ok gyaiq,

Couh caiq hwnj mbaek laeuz.

Sam

Daengngoenz doek roengz bo,

Vangzhoz lae bae haij.

Yaek yawj gyae seiqgyaiq,

Vaiqvaiq hwnj dingj laeuz.

Seiq

Daengngoenz roengz raeb bya,

Dahvangzhoz lae roengz haij.

Naemj yawj bae gig gyae,

Hwnj caengz laeuz ceiq sang bae.

Haj

Aen daengngoenz deb bangzbya ciemhciemh doek roengzbae,

diuz Dahvangzhoz coh dahaij laefwdfwd.

Yaek siengj yawjraen liux gingjsaek gizgyae,

couh caiq aeu byaij hwnj caengz laeuz sang dem.

Roek

Daengngoenz doek bya sae,

Vangzhoz lae daihhaij.

Siengj yawj cienleix gyaiq,

Aeu caiq hwnj caengz laeuz.

Caet

Daengngoenz doek roengz bya,

Vangzhoz bongj bae haij.

Siengj ngonz engqgya gyae,

Lai bin it caengz laeuz.

Bet

Daengngoenz doek roengz bya,

Dahvangzhoz roengz haij.

Siengj muengh caenh daengz byai,

Yaek caiq hwnj caengz laeuz.

Gouj

Daengngoenz ndoj haeuj bya,

Dahvangzhoz doh haij.

Yaek ndaej raen engq lai,

Caiq hwnj laeuz sang di.

Cib

Daengngoenz doek roengz bya,

Dahvangzhoz roengz haij.

Yaek muengh cienleix gyaiq,

Lai bin hwnj mbaek laeuz.

Sawgej